भिडियो

देउसी भैलोमा ओलि कै अगाडी महरा कर्तुतको चर्चा हुँदा केपी शर्मा ओलीको मुख हेर्न लायक थियो (भिडियो हेर्नुहोस )

सिस्नुपानी नेपालले यस वर्ष पनि देउसी भैलो कार्यक्रम गरेको छ । समसामयिक विषयमा व्यङ्ग्य गरिएको देउसी भैलोमा प्रधानमन्त्री केपी शर्मा ओलीका साथै विभिन्न राजनीतिक दलका प्रमुख नेताहरुको उपस्थिति रहेको थियो । आइतबार काठमाण्डौको प्रज्ञा भवनमा आयोजना गरिएको देउसी भैलोमा समसायमिक विषयमा व्यङ्ग्य गरिएको थियो । देउसी भैलो कार्यक्रममा पूर्व सभामुख कृष्णबहादुर महराको काण्डलाई लहराको संज्ञा दिँदै भीआईपी अरु पनि कति महराहरु होलान् भनी व्यङ्ग्य कसिएको छ । त्यसैगरी लाउडा काण्डमा सबै राजनीतिक दलहरुले मिलेर भ्रष्टाचार गरेको पनि दाबी गरिएको छ ।

सिस्नुपानी नेपालको कार्यक्रममा कवि अर्जुन पराजुलीले शहरमा बगली बगलीमा लालपूर्जा राखेर गाउँको नाम जप्ने गरिएको भन्दै कवितामार्फत राजनीतिक दलहरुप्रति व्यंग्य व्यक्त गरे ।उनले काँधमा हलो भिरेर तन्दुरी जोत्न पाँच तारे होटल जाने गरेको भन्दै राजनीतिक दलका नेताहरुलाई गोरुको रुपमा चित्रण गरेपछि कार्यक्रममा हाँसोको गुन्जायमान भएको थियो । यता, हास्य कलाकार मनोज गजुरेलले चिनियाँ नागरिकबाट हुने तस्करीप्रति संकेत गर्दै जोगीको भेषमा व्यंग्य प्रस्तुत गरे । उनले ‘उत्तरी दिशाबाट आउने सुन तस्कर गेट बाँधो, दक्षिणी दिशाबाट आउने काला बजारीको सिन्डिकेट बाँधो’ भनेर व्यङ्ग्य कस्दा कार्यक्रममा हाँसोको फोहोरा छुटेको थियो । भिडियो हेर्नुहोस

Related Articles

Back to top button
Close